ರವರಿಗೆ.
ಸಂಘದ ಎಲ್ಲಾ ಜಿಲ್ಲಾ ಘಟಕಗಳ ಅಧ್ಯಕ್ಷರು ಹಾಗೂ ಕಾರ್ಯದರ್ಶಿಯವರಿಗೆ.

ಆತ್ಮೀಯರೇ.
ದಿನಾಂಕ 14/07/2024 ರ ಭಾನುವಾರದಂದು ರಾಜ್ಯದಲ್ಲಿಯೇ ಪ್ರಪ್ರಥಮವಾಗಿ ಮಂಡ್ಯ ಜಿಲ್ಲೆಯಲ್ಲಿ ಜಿಲ್ಲೆಯ ರೈತರಿಗೆ ಕಾರ್ಬನ್ ಕ್ರೆಡಿಟ್ ಕುರಿತಾಗಿ ಕೃಷಿಕರ ಜಾಗೃತಿ ಸಮಾವೇಶ ಮಾಡಲಾಯಿತು. ಸಂಘದ ಹೆಮ್ಮೆಯ ಅಧ್ಯಕ್ಷರಾದ ಶ್ರೀ ಕೆ ಅಮರನಾರಾಯಣ sir ಅಧ್ಯಕ್ಷತೆ ಯಲ್ಲಿ, ಹಾಗೂ ಉಪಾಧ್ಯಕ್ಷರಾದ ಶ್ರೀ ಯು ಶರಣಪ್ಪ ನವರ ಮಾರ್ಗದರ್ಶನದಲ್ಲಿ ಅದ್ದೂರಿಯಾಗಿ ಹಾಗೂ ಅರ್ಥಪೂರ್ಣವಾಗಿ ನಡೆಯಿತು. ಮಾನ್ಯ ಕೃಷಿ ಸಚಿವರು ಕಾರ್ಯಕ್ರಮವನ್ನು ಉದ್ಘಾಟನೆ ಮಾಡಿ ಸಂಘದ ಕಾರ್ಯವೈಖರಿ ಬಗ್ಗೆ ಪ್ರಶಂಸೆ ವ್ಯಕ್ತಪಡಿಸಿದರು. ಸುಮಾರು 300 ಕ್ಕೂ ಹೆಚ್ಚಿನ ಸಂಖ್ಯೆಯಲ್ಲಿ ರೈತರು ಕಾರ್ಯಕ್ರಮದಲ್ಲಿ ಭಾಗವಹಿಸಿ, ಕಾರ್ಬನ್ ಕ್ರೆಡಿಟ್ ಕುರಿತಾದ ಮಾಹಿತಿ ಪಡೆದು ಸುಮಾರು 1000 ಎಕರೆಯಷ್ಟು ಕೃಷಿ ಪ್ರದೇಶವನ್ನು ಕಾರ್ಬನ್ ಕ್ರೆಡಿಟ್ ಒಡಂಬಡಿಕೆಯಲ್ಲಿ ಸಹಿ ಮಾಡುವ ಮೂಲಕ ವಿನೂತನ ಕಾರ್ಯಕ್ರಮಕ್ಕೆ ಸಾಕ್ಷಿಯಾದರು.
ಈ ಮೂಲಕ ಸಂಘದ ಎಲ್ಲಾ ಜಿಲ್ಲಾ ಘಟಕದ ಅಧ್ಯಕ್ಷರು ಹಾಗೂ ಕಾರ್ಯದರ್ಶಿಗಳಿಗೆ ಸುಚಿಸುವುದೇನೆಂದರೆ, ಮಂಡ್ಯ ಜಿಲ್ಲೆಯ ರೀತಿಯಲ್ಲಿ ತಮ್ಮ ತಮ್ಮ ಜಿಲ್ಲೆಗಳಲ್ಲಿ, ಕೃಷಿ ಇಲಾಖೆಯ ಜೊತೆಗೂಡಿ, ರೈತರನ್ನು ಸಂಘಟಿಸಿ ದೂಡ್ಡ ಪ್ರಮಾಣದಲ್ಲಿ ಇಂತಹ ಕಾರ್ಯಕ್ರಮವನ್ನು ಆಯೋಜನೆ ಮಾಡಬೇಕು. ಈ ಮೂಲಕ ರೈತರ ಆರ್ಥಿಕ ಭದ್ರತೆ ನೀಡುವ ಜೊತೆಗೆ ಸಂಘದ ಕಾರ್ಯವ್ಯಾಪ್ತಿ ಬಲಪಡಿಸಿಕೊಳ್ಳಲು ತಿಳಿಸುತ್ತೇವೆ.
ಸಂಘದ ಅಧ್ಯಕ್ಷರ ಜೊತೆಗೆ ಚರ್ಚಿಸಿ, ದಿನಾಂಕ ನಿಗದಿಪಡಿಸಿಕೊಂಡು ಆದಷ್ಟು ಬೇಗ ಕಾರ್ಯಕ್ರಮ ಆಯೋಜನೆ ಮಾಡಬೇಕೆಂದು ಕೇಳಿಕೊಳ್ಳುತ್ತೇವೆ.
ಧನ್ಯವಾದಗಳು.

ಆತ್ಮೀಯರೇ.
ದಿನಾಂಕ 13-08-2024 ರಂದು ಶ್ರೀ ಭುವನೇಶ್ವರಿ ನಿಸರ್ಗ ಆರ್ಗಾನಿಕ್ ಫಾರಂ, ಶ್ರೀನಿವಾಸಪುರ, ಕೋಲಾರ ಜಿಲ್ಲೆ ಇಲ್ಲಿ, ಅಖಿಲ ಕರ್ನಾಟಕ ಶ್ರೀಗಂಧ ಮತ್ತು ವನಕೃಷಿ ಬೆಳೆಗಾರರ ಸಂಘ, ಕೋಲಾರ ಜಿಲ್ಲಾ ಘಟಕ, ಹಸಿರುನಾಡು ಶ್ರೀಗಂಧ ರೈತ ಉತ್ಪಾದಕ ಸಂಸ್ಥೆ, ಕೋಲಾರ, ಶ್ರೀ ನಾಡಪ್ರಭು ಕೆಂಪೇಗೌಡ ಸೇವಾ ಟ್ರಸ್ಟ್, ಕೋಲಾರ ಜಿಲ್ಲಾ ಮಾವು ಬೆಳೆಗಾರರ ಕ್ಷೆಮಾಭಿವೃದ್ಧಿ ಸಂಘ ದವರ ಸಂಯುಕ್ತ ಆಶ್ರಯದಲ್ಲಿ, ಸಂಘದ ಕ್ರಿಯಾಶೀಲ ಪದಾಧಿಕಾರಿಗಳಾದ ಶ್ರೀ ಬೆಲಂ ಶ್ರೀನಿವಾಸ ರೆಡ್ಡಿ ಹಾಗೂ ಅವರ ಕ್ರಿಯಾಶೀಲ ತಂಡದವರ ಉತ್ಸಾಹದಿಂದ ಒಂದು ಅದ್ಬುತ ಕಾರ್ಯಕ್ರಮ ಅಯೋಜನೆ ಆಗಿತ್ತು.

ಪರಮಪೂಜ್ಯ ಜಗದ್ಗುರು ಶ್ರೀ ಶ್ರೀ ಡಾ. ನಿರ್ಮಲಾನಂದ ಸ್ವಾಮೀಜಿಯವರ ದಿವ್ಯ ಸಾನಿಧ್ಯದಲ್ಲಿ, ಸಂಘದ ಅಧ್ಯಕ್ಷರಾದ ಶ್ರೀ ಕೆ ಅಮರನಾರಾಯಣ, (ನಿವೃತ್ತ ಐ ಎ ಎಸ್ ಅಧಿಕಾರಿಗಳು)ರವರ ಘನ ಅಧ್ಯಕ್ಷತೆಯಲ್ಲಿ, ಹಾಗೂ ಉಪಾಧ್ಯಕ್ಷರಾದ ಶ್ರೀ ಯು ಶರಣಪ್ಪ ರವರ ಉಪಸ್ಥಿತಿಯಲ್ಲಿ "ಸಸಿಗಳ ಲೋಕಾರ್ಪಣೆ, ಹಾಗೂ ಕೃಷಿಕರ ಜಾಗೃತಿ ಸಮಾವೇಶ ಕಾರ್ಯಕ್ರಮ ನಡೆಯಿತು. ಸಮಾವೇಶದಲ್ಲಿ 500 ಕ್ಕೂ ಹೆಚ್ಚಿನ ರೈತರು ಭಾಗವಹಿಸಿದ್ದರು. ಕಾರ್ಯಕ್ರಮದಲ್ಲಿ ಮುಖ್ಯವಾಗಿ ಶ್ರೀಗಂಧ ಬೆಳೆಯ ಮಹತ್ವ, ಕಾರ್ಬನ್ ಕ್ರೆಡಿಟ್ ನಿಂದ ರೈತರಿಗೆ ಸಿಗುವ ಪ್ರಯೋಜನ, ಶ್ರೀಗಂಧ ರೈತ ಉತ್ಪಾದಕ ಸಂಸ್ಥೆಯ ಆಶಯ ಹಾಗೂ ಅಗತ್ಯತೆಯ ಬಗ್ಗೆ ರೈತರಿಗೆ ಮಾಹಿತಿ ನೀಡಲಾಯಿತು. ಸ್ಥಳೀಯ ರೈತರಿಗೆ ಅನುಕೂಲವಾಗುವ ಇಂತಹ ಅದ್ಭುತ ಕಾರ್ಯಕ್ರಮ ವ್ಯವಸ್ಥಿತವಾಗಿ ನಡೆಸಿ ಕೊಟ್ಟಿದ್ದಕ್ಕೆ ಕಾರ್ಯಕ್ರಮದ ಎಲ್ಲಾ ಆಯೋಜಕರಿಗೂ ತುಂಬು ಹೃದಯದ ಧನ್ಯವಾದಗಳು. ಕಾರ್ಯಕ್ರಮದ ಆಯ್ದ ಕೆಲವು ಪ್ರಮುಖ ಛಾಯಾಚಿತ್ರವನ್ನು ಕಳುಹಿಸಿದೆ.
ಸರ್ವ ಸದಸ್ಯರ ಮಾಹಿತಿಗಾಗಿ.
ಧನ್ಯವಾದಗಳು